Um sakleysið

"Þekkir þú nokkurn eins sakleysislegan á svip og Sjálfstæðismann sem veit að hann er að ljúga?"
(- Guðný langamma)

Ég held ég mæli fyrir munn okkar allra....

.... þegar ég segi:
"Haldiði kjafti, morðóðu kommasvín. Ykkur kemur andskotann ekkert við hverjum við tökum á móti hér á Íslandi."

 Í leiðinni langar mig að biðja þá Falun Gong meðlimi sem var vísað frá Íslandi fyrir nokkrum árum, innilega afsökunar fyrir hönd íslensku þjóðarinnar.
Ráðamenn þjóðarinnar reistu sjálfum sér ævarandi níðstöng með skammarlegum mannréttindabrotum gagnvart þessu fólki og þætti mér rétt að þeir borguðu tilheyrandi skaðabætur úr eigin vasa en ekki þjóðarinnar. Til dæmis gætu þeir ánafnað sjálfteknum ofur-eftirlaunum sínum í bótasjóð fyrir afglöp sín í starfi. Það held ég að bótasjóður Björns Bjarnasonar myndi tæmast fljótt.

Mótmæla því að fána Taívans sé flaggað

Frábært lið, sem gæti orðið enn betra

Til hamingju stúlkur. Þið eruð langbesta knattspyrnulið Íslandssögunnar.

Mig langar aðeins að ausa úr ótæmandi viskubrunni mínum  varðandi framtíð íslenska kvennalandsliðsins í knattspyrnu. Stúlkurnar hafa margoft sýnt það og sannað að þær hafa hæfileikana og að þær eru tilbúnar til að leggja mikið á sig til að ná árangri.
Það sem vantar upp á, til að stúlkurnar komist í allra fremstu röð, er stuðningur og tækifæri.
Það er stórhætta á stöðnun í íslenska kvennaboltanum, einfaldlega vegna þess að stúlkurnar spila alltof fáa alvöru leiki. Hér heima eru alltaf 2-3 lið sem toga til sín alla bestu leikmennina og þar af leiðandi eru landsliðskonurnar mestallt sumarið að spila við miklu lakari andstæðinga. Til að koma landsliðinu í fremstu röð, þurfum við nauðsynlega að styðja fleiri stúlkur til að spila í útlöndum.
Styðja, segi ég, því atvinnumennska er af skornum skammti í kvennaboltanum.
Það er í raun ótrúlegt til þess að hugsa hvílíkum árangri Ásthildur Helgadóttir hefur náð í íþróttinni, mestallan tímann meðfram fullu námi og/eða vinnu. Ég skora á íslensk íþróttayfirvöld að veita henni alla þá afreksstyrki sem í boði eru, til að hún geti bætt nokkrum árum við glæstan feril. Verkfræðiskruddurnar geta beðið.
Ég held að bara það að styrkja íslenskar knattspyrnustúlkur til náms erlendis gæti verið sá herslumunur sem uppá vantar til að við heyrum íslenska þjóðsönginn spilaðan á Evrópu- og heimsmeistaramótum í knattspyrnu í framtíðinni.

Ísland sigraði Frakkland 1:0

Nákvæmlega það sem ég er búinn að vera að segja

Ef að einhver fábjáni hættir við að koma til Íslands út af því hvað við veiðum okkur til matar, þá er það bara fínt.

Mér finnast ólífur vondar, samt fannst mér æðislegt á Krít 2001 og gæti vel hugsað mér að fara aftur. Ef ég fæ ólífur í salatið mitt þá tíni ég þær bara úr. Ég efast um að einhver hrekklaus útlendingurinn lendi í því að fá hval út á salatið sitt (a.m.k. ekki heilan).

Mér finnast líka kanínur voðalega sætar. Það aftrar mér ekkert frá því að skreppa kannski til Vestmannaeyja í sumar, þó að þar hafi verið í gangi útrýmingarherferð gegn villtum kanínum.

Það sem virkilega getur dregið úr ferðamannastraumi til Íslands eru endalaus lögbrot gamla einokunar-kolkrabbans, sem áður hét Flugleiðir en nú Æslander. Hvernig í heitasta helvíti geta menn komist upp með það að selja flug fram og til baka á 20.000 krónur, en aðra leiðina á 70.000 krónur ?!?!?!?  
Þetta er eingöngu gert til að drepa samkeppni og koma í veg fyrir að maður geti skipulagt sín ferðalög sjálfur. Hvern andskotann kemur það Æslander við, þegar einhver pantar flug frá t.d. Bandaríkjunum til Keflavíkur, hvað hann stoppar lengi og hvort hann fer aftur til Bandaríkjanna eða kannski bara áfram til Evrópu (frá t.d. Akureyri með Iceland Express)?!?
Hömlur á ferðafrelsi draga úr ferðamannastraumi, ekki atvinnuhættir og mataræði Íslendinga.

Hvalveiðar hafa minni áhrif á ferðamannaiðnaðinn en talið var

Hvalkjöt er herramannsmatur

Mig langar aðeins að rakka niður það helv.... kjaftæði sem verið er að matreiða ofan í mann í fjölmiðlum, varðandi hvalveiðar og hvalkjöt.

1. Það eru mjög margir Íslendingar sem finnst hrefnukjöt gott og það er bara tap Hagkaupa að hætta að selja það. Reykvíkingar kaupa þá bara sína hrefnu í Nóatúni eða Kolaportinu hér efitr. Ef við ætlum að banna hrefnuveiðar bara af því að einhver hluti þjóðarinnar kann ekki að meta hrefnukjöt, þá skulum við líka banna súrar gúrkur, ólífur og sólþurrkaða tómata.

2. Það er reginmisskilningur að hvalaskoðun og hvalveiðar fari ekki saman. Það eru bara einhverjir fávísir öfgasinnar sem myndu hætta við Íslandsferð út af hvalveiðum og farið hefur fé betra. Ég hef sjálfur farið í hvalaskoðun með frumherjunum á Húsavík og hafði ákaflega gaman af. Hefði það staðið til boða, þá hefði ég verið til í að kaupa mér hrefnusteik á veitingastaðnum á hafnarbakkanum þegar ég kom í land. Við Íslendingar höfum gaman af að skoða lömbin í sveitinni og okkur finnst gott að borða þau á haustin.
Ég hef boðið útlendingum (Austurríkismönnum og Dönum) upp á hvalkjöt. Ekki einn einasti þeirra fúlsaði við því.

 3. Matvælaframleiðsla er hornsteinn hvers þjóðfélags. Ef við ekki nýtum okkur þau gæði sem landið og miðin bjóða uppá, þá fer illa fyrir okkur fyrr eða síðar. T.d. næst þegar innflutningur stöðvast vegna styrjaldar eða einhver sjúkdómur kemur upp í alifuglum. Ég get hins vegar alveg tekið undir að það er óþarfi að veiða meira af hval en við getum borðað eða selt.

Íslendingar vilja ekki hrefnukjötið

Eru nú Svíar líka farnir að skæla?

Danir eru búnir að snökta mánuðum saman yfir yfirgangi Íslendinga.
Finnst það bölvuð frekja að við séum að kaupa af þeim verslanir og heimta að starfsfólkið læri að vinna vinnuna sína.
Ég held þeir megi þakka fyrir að við arðrænum þá ekki í 400 ár og látum þá éta skóna sína, sem væri reyndar ágætis tilbreyting frá endalausu smörrebröd.

Nú virðist vælið hafa smitast yfir Eyrarsund.
Ég held að við megum þakka guðunum fyrir að það eru gerðar meiri kröfur til starfsmanna í flugumferðarstjórn, fluggagnafræði og flugvallaumsjón heldur en til sænskra blaðamanna.

Ég var að vinna í Noregi í síðustu viku. Norðmenn virðast enn ekki kippa sér mikið upp við viðskiptabrölt smáfrænda sinna í norðri. Þegar ég spurði norska framkvæmdastjórann hvort fyrirtækið væri með einhvern samning við líkamsræktarstöðina við hliðina á skrifstofunni, svo ég gæti fengið hagstætt tilboð, svaraði hann:
"Nei, því miður. En segðu bara að þú sért Íslendingur og sért að spá í að kaupa stöðina og viljir fá að prófa hana í viku."

Neita því að Íslendingar stórgræði á þjónustunni í Pristina

Ummæli dagsins

"Það má vel vera að knattspyrnan sé þessum pilti í blóð borin, en það blóðrennsli hefur ekki ennþá skilað sér niður í fæturna á honum."

Róum okkur aðeins niður :o)

Ég heyrði ansi skemmtilega og áleitna spurningu í dag, sem mig grunar að æði margir Íslendingar mættu taka til sín:

Hvað er langt síðan þú stóðst síðast fyrir framan spegilinn, burstaðir í þér tennurnar og hugsaðir um að bursta í þér tennurnar???

Er ekki málið að slaka aðeins á, hætta að stressa sig yfir vinnu og óhreinum þvotti og leyfa sér að gera ekki neitt annað slagið?

Hvað með ofríki í krafti valds?

Björn Bjarnason kvartar yfir því að Jóhannes í Bónus beiti "ofríki í krafti auðs" og "lýsir áhyggjum af þróum stjórnmálastarfs og réttarríkis".
Sem sagt, að lýsa skoðunum sínum opinberlega, það er ógnun við lýðræðið.
Stjórnmálamenn (lesist sjálfstæðismenn) mega hins vegar beita ofríki í krafti valdastöðu sinnar, halda leynilegt bókhald og leysa öll mál í lokuðum, reykmettuðum bakherbergjum, án þess nokkurn tíma að þurfa að færa haldbær rök fyrir gjörðum sínum og svo borga skattgreiðendur brúsann þegar þeir fá á sig dóm fyrir valdníðslu og afglöp í starfi (sem verður ekki mikið lengur þegar einungis ófrávíkjanlega innmúraðir sjálfstæðismenn sitja í dómarasætum). Og það er þá ekki ógnun við "þróum stjórnmálastarfs og réttarríkis"?!?
Dómsmálaráðherra dæmir sig sjálfur með orðum sínum og gjörðum, það er óþarfi að eyða púðri í að gagnrýna hann.

Björn lýsir áhyggjum af þróun stjórnmálastarfs og réttarríkisins

Vonandi verður þessu fylgt eftir til enda

Það eru frábærar fréttir að gert sé átak í að útrýma þessum skaðvaldi úr íslenskri náttúru.
Það kostar mikla peninga, en til að ná verulegum árangri þarf að vera samstillt átak um allt land, það þýðir ekki að taka fyrir einstök svæði.
Réttast væri svo að senda reikninginn á þá glæpamenn sem slepptu minknum upphaflega lausum.

Sótt verður að minknum sem aldrei fyrr