Nákvæmlega það sem ég er búinn að vera að segja

Ef að einhver fábjáni hættir við að koma til Íslands út af því hvað við veiðum okkur til matar, þá er það bara fínt.

Mér finnast ólífur vondar, samt fannst mér æðislegt á Krít 2001 og gæti vel hugsað mér að fara aftur. Ef ég fæ ólífur í salatið mitt þá tíni ég þær bara úr. Ég efast um að einhver hrekklaus útlendingurinn lendi í því að fá hval út á salatið sitt (a.m.k. ekki heilan).

Mér finnast líka kanínur voðalega sætar. Það aftrar mér ekkert frá því að skreppa kannski til Vestmannaeyja í sumar, þó að þar hafi verið í gangi útrýmingarherferð gegn villtum kanínum.

Það sem virkilega getur dregið úr ferðamannastraumi til Íslands eru endalaus lögbrot gamla einokunar-kolkrabbans, sem áður hét Flugleiðir en nú Æslander. Hvernig í heitasta helvíti geta menn komist upp með það að selja flug fram og til baka á 20.000 krónur, en aðra leiðina á 70.000 krónur ?!?!?!?  
Þetta er eingöngu gert til að drepa samkeppni og koma í veg fyrir að maður geti skipulagt sín ferðalög sjálfur. Hvern andskotann kemur það Æslander við, þegar einhver pantar flug frá t.d. Bandaríkjunum til Keflavíkur, hvað hann stoppar lengi og hvort hann fer aftur til Bandaríkjanna eða kannski bara áfram til Evrópu (frá t.d. Akureyri með Iceland Express)?!?
Hömlur á ferðafrelsi draga úr ferðamannastraumi, ekki atvinnuhættir og mataræði Íslendinga.

Hvalveiðar hafa minni áhrif á ferðamannaiðnaðinn en talið var

Athugasemdir

[Sússa sæta frænka (IP-tala skráð) 19.6.2007 kl. 10:10]

Mér dettur nú í hug ein írónía dauðans þegar ég les Æslander. Þegar maður lendir á Kastrup með nefndu flugfélagi hljómar í hátölurunum - Takk fyrir að velja Æslander - VELJA vel að merkja eins og maður hafi haft eitthvað val! :o hehe ;)