Þvílíkur hrokatittur

Talandi um að bíta höfuðið af skömminni.
Árni M. Mathiesen er að stimpla sig inn sem einn forhertasti fyrirgreiðsluspillingarpólitíkus í sögunni.
Ég veit ekki hvaða Davíðsoddssonarmikilmennskubrjálæðiskomplexar þetta eru eiginlega að telja sig allt í einu geta sett ofan í við Umboðsmann Alþingis, sem hefur nákvæmlega sömu efasemdir og þjóðin öll um kerfisbundna valdníðslu Sjálfstæðisflokksins.
Heldur dýralæknirinn kannski að hann geti aflífað umboðsmanninn með einni sprautu?

Ráðherra efast um hlutleysi umboðsmanns

Akkúrat þar sem þessi drullusokkur á heima

Roy Keane hittir þarna naglann á höfuðið, þegar hann segir berum orðum að fávitar eins og hann eigi alls ekki að ganga lausir.

Roy Keane: Mér hefði verið stungið í steininn

Þurfum erlendan þjálfara núna

Þannig fór um sjóferð þá, eins og ykkar hæstvirtur og alvitur var búinn að segja fyrir um, sbr. http://www.stefanjonsson.blog.is/blog/stefanjonsson/entry/420433/

Ég sagði strax og Alfreð var ráðinn sem landsliðsþjálfari að hann væri besti þjálfari Íslands. En ef menn ælta að ná árangri, þá þurfa menn að gefa sig 100% í það sem þeir eru að gera. Það gat Alfreð ekki gert, verandi í 100% starfi í Þýskalandi. Ég hefði viljað fá hann sem landsliðsþjálfara um leið og hann kemur heim aftur.
Hver veit, kannski verður hann ráðinn aftur þá?

En núna er orðið löngu tímabært að fá erlendan þjálfara.
Veit einhver símanúmerið hjá Bogdan?

EM: Alfreð er hættur

Ljósbláa lónið

Finnst engum neitt kátbroslegt að konum sé bannað að vera berbrjósta í Bláa lóninu, af öllum stöðum? Ég held alla vega að margir yrðu fyrir vonbrigðum ef sama gilti um bláar myndir

Ber brjóst bönnuð í lóninu

Ólaf heim

Ólafur Stefánsson er meiddur og á þar af leiðandi ekkert erindi í landsliðið. Liðinu er enginn greiði gerður með því og enn síður honum.
Þetta er leiðinlegt, því þegar Óli var í toppformi var hann klárlega einn af bestu handboltamönnum sögunnar. En Ólafur Stefánsson er ekki í landsliðsklassa þegar hann spilar á öðrum fæti og með annarri hendi.

Datt einhverjum virkilega í hug að við myndum vinna Svía???
Hallóóó. Við unnum þá síðast á stórmóti fyrir 44 árum!!!!
Meira gullfiskaminnið í löndum mínum, margir halda líka á hverju einasta ári að við séum að fara að vinna Eurovision.

Best ég endurtaki það sem ég sagði við vin minn fyrir Svíaleikinn, þegar mér ofbauð bjartsýnin í honum:

Við munum drulla upp að herðablöðum í þessu móti og Alfreð Gíslason hætta sem landsliðsþjálfari.
Það er svo augljóst að það þarf ekki að spila mótið.

Ólafur með á morgun?

Fólk er fífl

Sjálfstæðisflokkurinn heldur áfram að hafa þjóðina að fíflum, með sínum "Ríkið, það er ég" tilburðum. Stjórnarhættir hér, í kaldasta bananalýðveldi heims, minna miklu fremur á tilburði Pútíns Rússlandsforseta og Gaddafi Líbýuleiðtoga, heldur en nokkurn tíma vestrænt lýðræði.
Embættisfærslur (lesist mannaráðningar) þær sem tíðkast hafa í dómsmálaráðuneyti BíBí frænda undanfarin ár, hefðu umsvifalaust leitt til afsagnar dómsmálaráðherra í t.d. Skandinavíu og Bretlandi, gott ef ekki hreinlega ákæru og refsingar.

Árni M. Mathiesen, dýralæknir, fjármálaráðherra og besserwisser með meiru, ætti að skammast sín fyrir þetta gerspillta verk.
Ömurlegt yfirklór hans, þar sem hann reyndi að hefja sig yfir nefndina sem mat hæfni umsækjenda um stöðu héraðsdómara, minnti mig á máltækið: "Hátt hreykir heimskur sér."
Sjálfsagt er það ágætis starfsreynsla að vera aðstoðarmaður ráðherra, en fjármálaráðherrann er á mjög hálum ís þegar hann tekur upp á því hjá sjálfum sér að hefja þessa reynslu upp til sinna Valhallar-skýjaborga.
Á hverju megum við eiga von næst?
Verður aðstoðarmaður samgönguráðherra ráðinn sem þyrluflugmaður hjá Landhelgisgæslunni, frekar en einhver með þyrluflugmannspróf?
Skellir aðstoðarmaður sjávarútvegsráðherra sér í pungaprófið og verður svo kapteinn á varðskipi? Þá hlýt ég að verða ráðinn sem kokkur á því skipi, því ég hef oft aðstoðað þann ágætis aðstoðarmann í eldhúsinu, líklega þó meira við að blanda drykki en að elda mat.

Þrískipting ríkisvaldsins í löggjafar-, framkvæmda- og dómsvald er stjórnarskrárbundin á Íslandi.
Sú skipting er varla fyrir hendi eftir allt of langa stjórnarsetu Sjálfstæðisflokksins við kjötkatlana.
Ríkisvaldið minnir frekar á illa þefjandi þríhöfða þurs með bláa hönd.

Gagnrýna skipun í dómaraembætti

Framboð og eftirspurn

Sjá það ekki allir, nema kannski löggjafar- og dómsvaldið, að það er EKKI nóg að reyna að skrúfa fyrir annaðhvort framboð EÐA eftirspurn, til að losna við tiltekna "vöru" af markaðnum?!?
Vilji menn ná einhverjum árangri í að draga úr t.d. vændi eða eiturlyfjaneyslu þarf hvort tveggja að vera ólöglegt, kaup og sala.

Þrátt fyrir harða dóma yfir fíkniefnasmyglurum, sem eru alveg úr takti við allt of væga dóma yfir ofbeldismönnum, þá flæða fíkniefnin um landið sem aldrei fyrr, einfaldlega vegna þess að ekkert er gert til að draga úr eftirspurninni.
Eina leiðin til að draga úr fíkniefnabölinu er að herða refsingar fyrir neysuna sjálfa, og í framhaldinu auka meðferðarúrræði, án þess að slaka á í baráttunni við smygl og sölu.
Sama gildir um vændi. Eina leiðin til að ná eitthvað að draga úr því, er að bæði kaup og sala verði ólögleg. Hugsanlega myndi samt "vændisvandinn" leysast sjálfkrafa ef við næðum tökum á eiturlyfjavandanum.

Að lokum er ég með eina tillögu: Í dag mega yngri en 18 ára ekki reykja. Hvernig væri að á næsta ári hækkuðum við aldurstakmarkið upp í 19 ára, svo upp í 20 ára árið 2009 o.s.frv. Þá hefðum við reyklaust Ísland árið 2072.

Ábyrgð á hendur kaupanda vændis

Til hamingju Jónas Grani

Frábær árangur hjá "gamla manninum".

Hvað ætli FH-ingar hafi verið að spá þegar þeir ákváðu að þeir hefðu ekki not fyrir leikmann sem skoraði mark fyrir hverjar 50 mínútur sem hann fékk að spila hjá þeim???
Ætli þeir nagi sig ekki í handabökin, jafnvel ristarnar?

Jónas Grani valinn bestur

Ekki - fréttir og Kannski - fréttir

Ósköp eru svona aulafréttir leiðinlegar. Eiður Smári verður kannski í leikmannahóp Barcelona. Það á eftir að gerast a.m.k. 30 sinnum á þessu tímabili að Eiður Smári verði kannski í hópnum.

Miðað við svona fréttamennsku, þá get ég nú aldeilis skúbbað hérna á síðunni. Látum okkur sjá:
Ríkisstjórnin mun kannski klofna í afstöðu sinni til næsta álvers.
Garðar Thor Cortes mun kannski syngja dúett með Britney Spears.
Randver Þorláksson mun kannski vera með Spaugstofunni í vetur eftir allt saman.

Blaaaa.

Eiður hugsanlega í leikmannahópi Barcelona

Eitthvað að gera með háttvísi?

Ég sé enga ástæðu til að velja Bjarna Guðjónsson í landsliðið í knattspyrnu. Myndi hann ekki bara verða okkur til ævarandi skammar með óheiðarlegum leik? Nafn hans verður væntanlega skráð með svörtu letri í knattspyrnusögu Akraness, eftir markið fræga gegn Keflvíkingum í sumar.

Guðjón undrast að Bjarni sé ekki í landsliðshópnum