Glæpamenn vilja leggja niður lögreglu og dómstóla

Veislustjórarnir í Sjálfstæðisflokknum brugðust illa við í hvert skipti sem einhver reyndi að slá á glauminn og gleðina.
Þó að partýið hafi lagt heimilið í rúst og timburmennirnir séu hrikalegir, þá virðast þeir ekki sjá eftir neinu.


mbl.is Ekki tími nýrra stofnanna
Tilkynna um óviðeigandi tengingu við frétt

Uppskrift að grilluðum skötusel

Matur fyrir 2 hrausta karlmenn:

3 kíló skötuselur
1 kartafla
kippa af bjór
fullt af kolum
slatti af smjöri
pipar og salt

Kveikið í kolunum (gas er bara fyrir aumingja) með látum.
Notið helling af grillkveikilög og andið að ykkur ilmandi reyknum og gefið skít í að hann sé krabbameinsvaldandi.
Ekki láta ykkur detta í hug að bíða í einhverjar 20-30 mínútur eftir að kolin verði heit.
Skvettið frekar smá bensíni á eldinn.

Skerið filmuna utan af skötuselnum, makið á hann smjöri, sem þið bræðið með krepptum hnefunum, kryddið frekar lítið.
Svo skal skepnan grilluð bara rétt á meðan þið skiptið á milli ykkar bjórkippunni, svona 3-4 mínútur sem sagt.
Á meðan er upplagt að fara í léttan boltaleik með kartöfluna og enda á að grýta henni upp á þak hjá nágrannanum, enda kartöflur ekki mannamatur.

Skóflið svo kvikindinu í ykkur, skolist niður með ísköldu brennivíni, og farið að horfa á leikinn.

Verði ykkur að góðu.


mbl.is Sérsveitin tók á móti skötuselsveiðimönnum
Tilkynna um óviðeigandi tengingu við frétt

Bond í bullinu

Nú er Pierce Brosnan búinn að drekka of marga Martini.
Kannski væri rétt að hrista hann rækilega, það er alla vega eitthvað hrærður í honum heilinn.
Af hverju í andsk... ætti Barack Obama að skipta sér af því hvað Íslendingar, Norðmenn og Japanir leggja sér til munns?
Svo mætti kannski benda honum vinsamlegast á, að ár hvert deyja margfalt fleiri hvalir í netum bandarískra túnfiskveiðimanna, en nokkurn tíma eru skotnir á Íslandsmiðum.

Það er óþolandi að heyra svona kerlingavæl frá manni sem var í hlutverki eins mesta erkitöffara hvíta tjaldsins.
Það hlýtur að vera einhver leið til að lemja því inn í hausinn á náttúruleysingjum að til þess að fá kjöt, þá þarf að drepa dýr.
Mel Gibson orðaði þetta skemmtilega í einni Leathal Weapon myndinni, þegar Murtaugh (Danny Glover) ætlaði að fá sér bita af túnfisksamloku, en dóttir hans heimtaði að hann fengi sér frekar skinkusamloku af því að túnfiskveiðimenn dræpu hvali:
"Yeah, eat Miss Piggy instead!"


mbl.is Brosnan berst gegn hvalveiðum
Tilkynna um óviðeigandi tengingu við frétt

Jákvæð mismunun

Misvægi atkvæða milli höfuðborgarsvæðis og landsbyggðar er að mínu mati dæmi um nauðsynlega "jákvæða mismunun". 
Í rauninni finnst mér að þetta misvægi ætti að vera bundið í jafnréttislög, rétt eins og jákvæð mismunun kynjanna þar sem það á við.

Finnst mönnum það virkilega réttlætismál að 2/3 hlutar þingmanna komi af höfuðborgarsvæðinu?
Hvernig væri að hugsa málið í víðara samhengi?
Viljið menn að Ísland hafi eitt atkvæði hjá Sameinuðu þjóðunum, á móti hverjum 1000 atkvæðum Bandaríkjamanna og 4000 atkvæðum Kínverja???


mbl.is Þingið getur útrýmt misvæginu
Tilkynna um óviðeigandi tengingu við frétt

Þörf áminning

Sjálfstæðisflokkurinn fékk réttláta refsingu fyrir afglapaháttinn við stjórnvölinn.
Það eru ánægjulegustu tíðindi þessara kosninga að nánast óþrjótandi langlundargeð íslenskra kjósenda skuli loks vera farið að dvína og von til að stjórnmálamenn og -flokkar verði framvegis dæmdir af verkum sínum, í stað þess að vera áskrifendur að atkvæðum.

Fari svo, eins og allt bendir til, að við búum áfram við okkar rótgrólna fjórflokkakerfi, þá vona ég að í næstu kosningum bæti Framsóknarflokkurinn við sig 5-6 mönnum á kostnað Samfylkingarinnar og svo verði það þannig framvegis að þessir 4 flokkar verði allir á sama róli, í kringum 15 þingmenn. Þá fyrst verða kosninganæturnar spennandi, þegar ekki er öruggt hvaða flokkar eiga möguleika á að mynda 2 flokka stjórn og e.t.v. nauðsynlegt að hleypa smáflokki eins og Borgarahreyfingunni að.


mbl.is Flokkurinn þarf að fara í mikla naflaskoðun
Tilkynna um óviðeigandi tengingu við frétt

Frábært fordæmi!!!

Akkúrat. Nú skulum við endilega reyna að telja morðingjum það til málsbóta, ef fórnarlömb þeirra eru á einhvern hátt veik fyrir. Maður sem drepur barn eða aldraða konu getur sem sagt notað það sér til varnar að fullvaxinn fílhraustur karlmaður hefði að öllum líkindum lifað sambærilega árás af!!!
mbl.is Fær að leita álits sérfræðinga á áverkum
Tilkynna um óviðeigandi tengingu við frétt

Hagstjórn frá helvíti

Seldi Sjálfstæðisflokkurinn Kölska sálu sína gegn því að verða stærsti flokkurinn í kosningum um aldur og ævi? Það er alla vega ómögulegt að sjá annað en að árar undirdjúpanna hafi ráðið ferðinni í fjármálum þjóðarinnar síðustu árin.
Fjármálaráðherrar Sjálfstæðisflokksins hafa sleikt upp þvæluna í Hannesi Hólmsteini árum saman með hroðalegum afleiðingum. Þessir bjánar virðast alla tíð hafa haldið að á Íslandi giltu önnur náttúrulögmál en í öðrum löndum. Ég, fyrir mitt leyti, þori hins vegar að fullyrða að t.d. þyngdarlögmál Newtons er hér í fullu gildi og sjaldan jafn öflugt og yfir hátíðirnar :o)
Síðustu 7-8 árin, þegar hér ríkti ofsaþensla og hagkerfið þurfti á kælingu að halda, þá lækkuðu bjánarnir skatta og þöndu út ríkiskassann. Nú, þegar við blasir gríðarlegur samdráttur og hagkerfið mun þurfa á innspýtingu að halda, þá hækka fábjánarnir skatta og skera niður allar framkvæmdir hins opinbera, meðal annars þær sem hafa verið bundnar í lög.
Svo virðist vera alveg sama hvað þjóðin blótar þessum andskotum, þeir fitna þá bara eins og púkinn á fjósbitanum forðum.
Fari það í heitasta helvíti.


mbl.is Hækkun tekjuskatts og útsvars 1,5%
Tilkynna um óviðeigandi tengingu við frétt

Ég ákæri

Ég ákæri Flugleiðir/Icelandair/FL Group eða hvað sem þetta helv... glæpafyrirtæki kýs að kalla sig.

Ég ákæri glæpafyrirtækið fyrir að hafa okrað á Íslendingum árum saman, en smjaðrað um leið fyrir útlendingum.
(Dæmi: Ég greiddi sjálfur ISK 35.000 fyrir mörgum árum fyrir flug KEF-CPH-KEF, en við hliðina á mér aðra leiðina sat bandarísk stúlka sem greiddi ISK 20.000 fyrir flug USA-KEF-CPH-KEF-USA)

Ég ákæri glæpafyrirtækið fyrir að hafa misboðið heilbrigðri skynsemi árum saman með því svívirðilega háttalagi að selja flugferðir aðra leiðina á þrefalt hærra verði en báðar leiðir!!!
Það var að sjálfsögðu gert eingöngu til að reyna að drepa samkeppnina frá Iceland express.

Ég ákæri glæpafyrirtækið fyrir að hafa oftar en einu sinni og oftar en tvisvar seilst í sjóði þjóðarinnar til að greiða fyrir eigin fjárglæfrastarfsemi.

Ég vil hins vegar hrósa starfsfólki glæpafyrirtækisins, flugmönnum, flugþjónum, flugvirkjum og skrifstofufólki, sem alla tíð sýndi af sér ríka þjónustulund og góð vinnubrögð þegar ég var í viðskiptum við glæpafyrirtækið (sem ég vona að ég neyðist aldrei til aftur).

Mér finnst yfirlýsing Jóhannesar Bjarna Guðmundssonar sorgleg, en um leið skiljanleg. Hann er náttúrlega að hugsa eingöngu um eigin hagsmuni, sem er ákaflega mannlegt.
Ég vona svo sannarlega að það séu ekki margir landar mínir nógu vitlausir til að kokgleypa þessa þvælu.
Mér þætti gaman að vita hvort Jóhannes Bjarni neitar að kaupa í matinn hjá verslunum sem hafa erlent starfsfólk!!!

Ég hvet fólk til að versla eingöngu við Iceland express, þar til glæpafyrirtækið hefur beðist afsökunar á glæpum fortíðarinnar. Batnandi fyrirtækjum er best að lifa.


mbl.is FÍA hvetur fólk til að styðja íslenskt flugfélag, ekki breskt
Tilkynna um óviðeigandi tengingu við frétt

Öskubuska?

Hvaða erindi ætli Öskubuska hafi átt við Sýslumanninn? Var hún kannski að skilja við prinsinn? Grin
mbl.is Hver á skóinn?
Tilkynna um óviðeigandi tengingu við frétt

Sitthvað er Jón og Jón Sjálfstæðismaður

Sigurði "veist þú ekki hver ég er" Kára þykir óheppilegt að utanríkisráðherra hafi tjáð sig um Baugsmálið í fjölmiðlum. Þó sagði ráðherran ekki neitt merkilegt, aðeins það sem blasir við öllum sem ekki byrgja sér sýn með blárri hönd, að það er búið að kosta glórulaust miklu til Baugsmálsins miðað við það sem efni stóðu til. Samanlagðar refsingar allra sakborninga í málinu jafnast nokkurn vegin á við að Lalli Johns hafi stolið hangikjötslæri úr Hagkaup fyrir jólin.
En mér þykir það skjóta ákaflega skökku við að Sjálfstæðismönnum þyki allt í einu óeðlilegt að ráðherrar tjái sig um niðurstöður dómstóla. Hingað til hafa ráðherrar þessa sama flokks ekki látið sitt eftir liggja að segja ofan í við Hæstarétt og meira að segja alþjóðlega dómstóla, þegar hver embættisfærsla Sjálfstæðismanna á fætur annarri hefur verið dæmd ólögleg. Ég held að Davíð Oddsson hafi á sínum tíma verið kominn á fremsta hlunn með að leggja Hæstarétt niður, þegar hann og flokksbræður hans sáu að miklu betra væri að eitra réttarkerfið innanfrá með því að troða flokksdindlum í öll embætti.


mbl.is Sigurður Kári: Yfirlýsing ráðherra óheppileg
Tilkynna um óviðeigandi tengingu við frétt

« Fyrri síða | Næsta síða »

Um bloggið

Stefán Þingeyingur

Höfundur

Stefán Jónsson
Stefán Jónsson
Skoðanir höfundar eru óvéfengjanlegar. Það eru engar stafsetningarvillur á síðunni, aðeins stílbrögð.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband