Eru nú Svíar líka farnir að skæla?

Danir eru búnir að snökta mánuðum saman yfir yfirgangi Íslendinga.
Finnst það bölvuð frekja að við séum að kaupa af þeim verslanir og heimta að starfsfólkið læri að vinna vinnuna sína.
Ég held þeir megi þakka fyrir að við arðrænum þá ekki í 400 ár og látum þá éta skóna sína, sem væri reyndar ágætis tilbreyting frá endalausu smörrebröd.

Nú virðist vælið hafa smitast yfir Eyrarsund.
Ég held að við megum þakka guðunum fyrir að það eru gerðar meiri kröfur til starfsmanna í flugumferðarstjórn, fluggagnafræði og flugvallaumsjón heldur en til sænskra blaðamanna.

Ég var að vinna í Noregi í síðustu viku. Norðmenn virðast enn ekki kippa sér mikið upp við viðskiptabrölt smáfrænda sinna í norðri. Þegar ég spurði norska framkvæmdastjórann hvort fyrirtækið væri með einhvern samning við líkamsræktarstöðina við hliðina á skrifstofunni, svo ég gæti fengið hagstætt tilboð, svaraði hann:
"Nei, því miður. En segðu bara að þú sért Íslendingur og sért að spá í að kaupa stöðina og viljir fá að prófa hana í viku."

Neita því að Íslendingar stórgræði á þjónustunni í Pristina

Athugasemdir

[Gummi (IP-tala skráð) 13.6.2007 kl. 23:57]

nei nei bara upprisinn!

vonandi fer að koma eitthvað meir inn á síðuna og kannski líka eitthvað um lífið hjá sjálfum þér í köben

[Sússa sæta frænka (IP-tala skráð) 14.6.2007 kl. 20:17]

Hahahaha - Norsarinn klikkar ekki - hvar fékk maðurinn húmorinn??? Ætli hann hafi fengið hann frá Íslendingi.

Velkominn heim annars...og myndin....er alveg á leiðinni í póstinn ;)