Uppskrift að grilluðum skötusel

Matur fyrir 2 hrausta karlmenn:

3 kíló skötuselur
1 kartafla
kippa af bjór
fullt af kolum
slatti af smjöri
pipar og salt

Kveikið í kolunum (gas er bara fyrir aumingja) með látum.
Notið helling af grillkveikilög og andið að ykkur ilmandi reyknum og gefið skít í að hann sé krabbameinsvaldandi.
Ekki láta ykkur detta í hug að bíða í einhverjar 20-30 mínútur eftir að kolin verði heit.
Skvettið frekar smá bensíni á eldinn.

Skerið filmuna utan af skötuselnum, makið á hann smjöri, sem þið bræðið með krepptum hnefunum, kryddið frekar lítið.
Svo skal skepnan grilluð bara rétt á meðan þið skiptið á milli ykkar bjórkippunni, svona 3-4 mínútur sem sagt.
Á meðan er upplagt að fara í léttan boltaleik með kartöfluna og enda á að grýta henni upp á þak hjá nágrannanum, enda kartöflur ekki mannamatur.

Skóflið svo kvikindinu í ykkur, skolist niður með ísköldu brennivíni, og farið að horfa á leikinn.

Verði ykkur að góðu.

Sérsveitin tók á móti skötuselsveiðimönnum

Athugasemdir

[Hanna (IP-tala skráð) 28.5.2009 kl. 10:20]

Góður : )

[Már (IP-tala skráð) 28.5.2009 kl. 18:52]

Mér finnst að vísu vanta allt egg og beikon í þetta hjá þér.

Vefja skepnuna í beikon áður en hún er lögð á grillið og henda eggjunum í ferskustu ríkisstjórn hverju sinni.

Og hvað er málið með kartöfluna og nágrannan...? Hann er í sömu skítamálum og þú... baka kartöfluna þar til hún verður óhóflega mjúk og henda henni á eftir eggjunum :)

[Stefán Jónsson, 29.5.2009 kl. 08:15]

Já, smakkaðirðu skötuselinn Hanna og fannst hann góður?

Már, mér finnst beikonvafningurinn vera eitthvað svo mikið 2007. Nú er kreppa og það er bara "back to basics".