Ólaf heim

Ólafur Stefánsson er meiddur og á þar af leiðandi ekkert erindi í landsliðið. Liðinu er enginn greiði gerður með því og enn síður honum.
Þetta er leiðinlegt, því þegar Óli var í toppformi var hann klárlega einn af bestu handboltamönnum sögunnar. En Ólafur Stefánsson er ekki í landsliðsklassa þegar hann spilar á öðrum fæti og með annarri hendi.

Datt einhverjum virkilega í hug að við myndum vinna Svía???
Hallóóó. Við unnum þá síðast á stórmóti fyrir 44 árum!!!!
Meira gullfiskaminnið í löndum mínum, margir halda líka á hverju einasta ári að við séum að fara að vinna Eurovision.

Best ég endurtaki það sem ég sagði við vin minn fyrir Svíaleikinn, þegar mér ofbauð bjartsýnin í honum:

Við munum drulla upp að herðablöðum í þessu móti og Alfreð Gíslason hætta sem landsliðsþjálfari.
Það er svo augljóst að það þarf ekki að spila mótið.

Ólafur með á morgun?

Athugasemdir

[Jón Halldór Guðmundsson, 21.1.2008 kl. 22:28]

Ég var fullur ...  bjartsýni fyrir þessa keppni.  Í ljós kom í svíaleiknum að með óla meiddan inn á vellinum og eftir smámótlæti brotnaði liðið niður. - Við áttum ömurlegan leik gegn svíum.

 Við áttum að klára slóvakana alveg eftir frábæra fyriir hálfleik. En sá sigur var í raun hálfgerð vonbrigði, eftir köflóttan seinni hálfleik okkar.

Nú frakkarnir. Við áttum ekki möguleika í þá. Þeir eru bara betri, heilsteyptari, reyndari og njóta "goodwill" hjá pólskum dómurum í handboltaheiminum. 

Sem sagt þetta er ekki glæsileg staða og okkar menn verða að koma alveg rétt stemmdir í næstu leiki, því Alfreð og hans menn hafa ýmislegt að sanna. Ef þeir tapa restinni er það restin hans Alfreðs. Engin miskunn!

Þess vegna held ég að óperan sé ekki búin. Feita söngkonan á eftir aríuna sína ennþá.  Það er klárt.

[Stefán Jónsson, 22.1.2008 kl. 10:55]

Ég steingleymdi að benda á það eina jákvæða við þetta mót. Íslensku áhorfendurnir eru búnir að standa sig frábærlega. Frá fyrstu mínútu til síðustu hefur stuðningurinn við liðið verið þvílíkur að halda mætti að leikið væri í Laugardalshöllinni.