Eitthvað að gera með háttvísi?

Ég sé enga ástæðu til að velja Bjarna Guðjónsson í landsliðið í knattspyrnu. Myndi hann ekki bara verða okkur til ævarandi skammar með óheiðarlegum leik? Nafn hans verður væntanlega skráð með svörtu letri í knattspyrnusögu Akraness, eftir markið fræga gegn Keflvíkingum í sumar.

Guðjón undrast að Bjarni sé ekki í landsliðshópnum

Athugasemdir

[Stefán (IP-tala skráð) 4.9.2007 kl. 11:11]

Sammála þér, vil ekki heldur sjá Bjarna ,, óheiðarlega " í landsliðinu.

Stefán 

[Sigríður Gunnarsdóttir, 4.9.2007 kl. 11:14]

Er fótbolti nokkruntíma heiðarlegur?

[Jack Ballanz (IP-tala skráð) 4.9.2007 kl. 11:42]

Þann dag sem fótbolti verður heiðarleg íþrótt, eða öllu heldur íþróttir verða heiðarlegar, þá verð ég valinn í landslið... sem sagt aldrei.  Bjarni á víst heima í þessu landsliði, einn fárra miðjumanna með íslenskt blóð sem kann að stjórna spili og býr yfir sendigetu í gæðaflokki.

[Þorsteinn Þormóðsson, 4.9.2007 kl. 11:43]

Nei, nei miklu betra að velja bara tóma vesalinga i landsliðið!! Bjarni er einn af okkar bestu leikmönnum! Landsliðið getur ekki rassgat og getur ekki annað en lagast við að fá alvöru reynslubolta í liðið! Skiptir þá engu máli með þetta Keflavíkurmál sem var nú aðalega bara keflvíkingum sjálfum til skammar!

[Stefán (IP-tala skráð) 4.9.2007 kl. 11:57]

Þeir knattspyrnumenn sem ég hef rætt við um mark Bjarna gegn Keflavík, eru á einu máli um það að Bjarni ætlaði sér svo SANNARLEGA að setja boltann inn.

Stefán

[G.S. (IP-tala skráð) 4.9.2007 kl. 12:14]

... og þessir knattspyrnumenn sem þú hefur rætt við um umrætt mark Bjarna vita betur en hann sjálfur þá væntanlega - nema að hann hafi sagt þeim þá annað en hann sá sig knúinn til að upplýsa alþjóð um!!

Að sjálfsögðu á að velja bestu leikmenn sem við eigum hverju sinni í alvöru landsleik burt séð frá því hvað amma þeirra heitir.

[Þröstur Halldórsson (IP-tala skráð) 4.9.2007 kl. 12:17]

Ég er sammála Stefáni í þessu máli. Ekki hef ég hugmynd afhverju hann Bjarni var ekki valinn í lansliðið en það er svo týpískt fyrir hann Guðjón að commenta á a það. Bjarni verður aldrei maður með mönnum meðan hann hefur Pabba sinn tuðandi út í allt og alla.

Með þetta mark hans Bjarna þá er hann því miður kominn í svörtu bókina og þetta atvik mun elta hann alla tíð. Og það þýðir lítið að kenna Keflavík um það. Bjarni er án efa góður knattspyrnumaður en leiðin liggur niður á við eftir þetta sumar.

[Þorsteinn Þormóðsson, 4.9.2007 kl. 12:17]

Hvaða hugmynd hafa "aðrir knattspyrnumenn" um hvað Bjarni ætlaði sér?? Það veit þetta enginn nema Bjarni sjálfur!!! Fáránlegt að fullyrða og segja "ætlaði sér sannarlega að setja boltann inn"!! Það er tvennt í stöðunni annað hvort hefur þú ekki hundsvit á fótbolta eða þá að þú ert svona fordómafullur út í þá feðga!!!! Ég gæfi allavega mikið fyrir það að Guðjón væri landsliðsþjálfari þessa daganna!

[Sigurður M Grétarsson, 4.9.2007 kl. 12:34]

Það má alltaf deila um það hvort mark Bjarna var skorað viljandi eða ekki. Það er hins vegar óumdeilt að Guðjón neitaði að gefa mark á móti eins og allir þjálfarar með snefil af heiðarleika og sjálfsvirðingu hefðu gert. Sú afsökun, sem hann bar fyrir því að gera það ekki er einhver lélegasta afsökun, sem ég hef nokkurn tíman heyrt.

Það versta við þessa ákvörðun Guðjóns er að hún leiðir til þess að þetta atvik eltir Bjarna um ókomna tíð. Hefði kallinn ákveðið að gefa mark á móti hefði þetta atvik hins vegar verið bæði honum og Skagaliðinu í heild til sóma.

[NN (IP-tala skráð) 4.9.2007 kl. 13:36]

Ef Bjarni (SVINDLARI) Guðjónsson á að vera í landsliðinu er þá ekki rétt að setja Lalla í lögguna?

[Stefán (IP-tala skráð) 4.9.2007 kl. 13:53]

Góðir Knattspyrnumenn læra að lesa knattspyrnuleikina eins og við bílstjórar lesum í umferðina og ég get sagt Þorsteini Þormóðssyni það að boltinn frá Bjarna fór nákvæmlega þangað sem honum var ætlað að fara og þetta var alveg frábært skot og mark hjá honum, en vegna hugleysis þorði hann bara ekki að viðurkenna staðreyndir málsins. Fer ekki annars bíllinn þinn Þorsteinn alltaf með þig þangað sem þú stýrir honum ?

Stefán

[Steinar Örn, 4.9.2007 kl. 15:08]

Ef Bjarni "kikksaði" svona hræðilega illa er hann kannski bara ekki nógu góður til að vera í landsliðinu ;)

[Bjarni Þór Sigurbjörnsson (IP-tala skráð) 4.9.2007 kl. 23:33]

Háttvísi og heiðarleiki í knattspyrnu, það eru sannarlega vandmeðfarin hugtök. Hvað með leikmenn sem henda sér í grasið í von um að plata dómarann og vinna þannig víti eða aukaspyrnu? Það þarf engan sérfræðing til að álykta að hver einasti leikmaður íslenska landsliðsins hefur einhvern tímann leikið þann leik, sumir oft, sumir sjaldan. Vill málshefjandi líka gera þá leikmenn útlæga úr liðinu eða stingur hann kannski heiðarleikaprinsippum sínum undir stól þegar kemur að þeim?

[Ingibjörg (IP-tala skráð) 4.9.2007 kl. 23:44]

Ég hef horft á ófáa fótboltaleiki og hef tekið eftir því að bestu spilararnir eiga það til að hitta boltann illa þannig að hann fer ekki alveg á markið. er e-ð sem segir að slíkt geti ekki gerst þegar skotið er aftur fyrir mark? Mér þykir líking á miði fótboltamanns og bílstjórn vera hæpin. Miðað við það þá væri Ronaldiniho meir að segja út um allan veg. Er líka orðin hundleið á mönnum sem velta marga metra og grípa um hausinn ef komið er við þá.